သွေးတိုးရောဂါ (Hypertension) Management

သွေးတိုးရောဂါ သတ်မှတ်ခြင်း (Diagnosis)

သွေးပေါင်ချိန် 140 / 90 mmHg ထက် များနေပါက သွေးတိုးရောဂါ ရှိသည်ဟု သတ်မှတ်ပါသည်။

(မှတ်ချက်။ ။ သွေးပေါင်မချိန်မီ ၅-မိနစ်ခန့် နားပြီးမှ ထိုင်နေစဉ် တိုင်းရပါမည်။ အနည်းဆုံး ၂-ကြိမ် တိုင်းရမည်။)

အကယ်၍ သွေးပေါင်ချိန် 140 / 90 mmHg နှင့် 160 / 100 mmHg ကြား ရှိပါက

Amlodipine 5 mg ည ၁-လုံးပေး၍ စတင်ကုသနိုင်ပါသည်။ လိုအပ်ပါက 10 mg ထိ တိုးသောက်နိုင်ပါသည်။

အကယ်၍ သွေးပေါင်ချိန် မထိန်းနိုင်ပါက Enalapril တစ်နေ့ 5 mg တစ်လုံး ထပ်ပေါင်း၍ ပေးနိုင်ပါသည်။ လိုအပ်ပါက Enalapril ကို 10 mg ၂-လုံးထိ တိုးပေးနိုင်သည်။

သွေးပေါင်ချိန် 160 / 100 mmHg ထက်ကျော်ပါက Amlodipine 5 mg (မနက်) ၁-လုံးနှင့် Enalapril 5 mg (ညနေ) ၁-လုံး နှစ်မျိုးပေါင်း၍ စတင်ကုသနိုင်ပါသည်။ Amlodipine 10 mg ၁-လုံး တစ်ကြိမ်နှင့် Enalapril 10 mg ၁-လုံး နှစ်ကြိမ် (20 mg)အထိ အမြင့်ဆုံး တိုက်နိုင်သည်။

သတိပြုရန်

-----------------

ကိုယ်ဝန်ဆောင်များတွင် ACEI (Enalaprill) နှင့် Statin မသုံးရ။

ဆေးပေးကုသထားသည့် သွေးဆိုးလူနာများတွင် ရှိရမည့် သွေးပေါင်ချိန်

--------------------------------------------------------------------------------------------

အသက် ၃ဝ အောက် သွေးပေါင်ချိန် ©140/ 90 mmHg

အသက် ၆ဝ အထက် သွေးပေါင်ချိန် < 150\ / 90 mmHg

ဆီးချိုလူနာ (သို့) သွေးတိုးလူနာများတွင် ၁ဝ နှစ်အတွင်း နှလုံးသွေးကြောရောဂါ ဖြစ်နိုင်ခြေကိုတွက်ထားရပါမည်။

၁၀ နှစ်အတွင်း နှလုံးသွေးကြောရောဂါ ဖြစ်နိုင်ခြေ 30 % ထက် ပိုများနေပါက. Aspirin 75 mg တစ်နေ့ တစ်ကြိမ် (အစာစားပြီး သောက်ရန်) နှင့်

Atovastatin 10 mg ည တစ်ကြိမ် သောက်နိုင်ပါသည်။

ကျောက်ကပ်ရောဂါ လက္ခဏာရပ်များ

-------------------------------------------------------

*မျက်နှာဖောယောင်ခြင်း၊ ခြေလက် ဖောယောင်ခြင်း၊

*ဆီးထဲ အသားဓါတ် (Albumini) ပါခြင်း၊

*သွေးထဲ ကျောက်ကပ်အဆိပ်ဓာတ် (Creatinine) များခြင်း၊

အထက်ပါ လက္ခဏာများရှိလျှင် Metformin နှင့် Enalapril တို့ကို သတိထား၍ သုံးရ ပါမည်။